OHARRA


Egoera epidemiliogikoa dela eta, LEZO-JAIZKIBEL MENDI LASTERKETA antolatzen dugun lagun-taldeak, 2021ean lasterketa EZ OSPATZEA erabaki dugu.

Denok dakigu zer egoeratan gauden, eta arrazoi guztiak azaltzeko beharrik ez dagoenez, 2022an gogoz eta osasunez, betiko lasterketa eder bat antolatzeko asmoz itzuliko gara.

Bitartean, segi mendiaz eta kirolaz, bakoitzak bere eran gozatzen.

Animo eta gabon zoriontsuak!

 


 
 
 

 

 

Eskerrik asko

Korrikalari, laguntzaile, animatzaile, senide, babesle, lagun, erakunde, herritar... gurean izan zareten guzti guztiei, mila esker bihotzez. Zoragarriak zarete!

VII. Lezo-Jaizkibel mendi lasterketako boluntario taldea


Auzolanaren erakusgarri txiki gisa, irteera eman aurretik plazan izan ohi dugun mugimendua:

Garraio publikoaren erabilera

Antolakuntzatik, jasangarritasuna sustatu nahi dugu. Pasa zen edizioan, baso berrerabilgarriak erabiltzen hasi ginen hondakinak murrizteko helburuarekin. Aurten ere horretan jarraituko dugu. 

Igandean gerturatuko zareten orori, hondakinak dagokion edukinontzietara botatzea eskatzen dizuegu. Korrikalariok, gogoratu mendian zaborra botatzea debekatua dagoela (deskalifikazioarekin zigortua). Anoa-guneetan edukinontziak egongo dira.


Garraio publikoaren erabilera bultzatu nahi dugu, eta Oarsobidasoatik zatozen korrikalari eta ikusleoi, autobusez edo trenez etortzea eskatzen dizuegu. Tren geltokia, herriko plazatik 10 minutura dago oinez; eta bi autobus geltoki daude: bata kiroldegi ondoan eta bestea Karlos Saldise plazaren ondoan (herriko plaza 2 minutura oinez).

Hala ere, urtero bezala kotxeentzako aparkalekuak seinalizaturik egongo dira.

Hurrengo planoan ikusi dezakezue.




Lasterketa aurretik bi hitzordu

Pasa zen edizioan lehenengoz, dokumental eta hitzaldi saioa antolatu genuen. Izan zuen arrakasta ikusirik, aurten bide horri segida ematea erabaki dugu. Bi emanaldi antolatu ditugu:

- Otsailak 13, osteguna 19:30ean: LA VOZ DE IÑAKI dokumentala + txarla. 
- Otsailak 14, ostirala 19:30ean: Oihana Azkorbebetiak "Mendiaren Altzoan" bere liburuaren aurkezpena egingo digu.

Bi saioak Gezala auditoriumean egingo dira eta sarrera DOAKOA izango da.